На Ашмяншчыне распачаліся спаборніцтвы «Старт 2022» па мотакросе. Пахмурнае надвор’е хутка змянялася сонечным, падтрымаць спартсменаў прыехала даволі шмат заўзятараў.
Арганізатарамі “Старта 2022” вытупілі Беларуская федэрацыя мотацыклетных відаў спорту і спецыялізаваная дзіцяча-юнацкая спартыўна-тэхнічная школа па аўта-мота спорце ДАСААФ. Спонсарамі выступілі гандлёвыя сеткі “Доброном” і “Копеечка” і кампанія па аўтаразборцы “Автостронг”.
Два дні на адной з лепшых трас у рэспубліцы будуць змагацца за званне лепшага матагоншчыка спартсмены з Беларусі і Расіі (Вялікія Лукі, Санкт-Пецярбург, Калуга і інш.).
Пасля ўрачыстай цырымоніі адкрыцця адбыліся заезды ў класе матацыклаў 50, 85, 125 куб.см, а таксама класах «Нацыянал», «Пачатковец» і «Ветэран».
Гонар Ашмяншчыны ў дні мотагонак будуць бараніць 18 спартсменаў. Найбольш шматлікі клас «Пачаткоўцы» — у ім зарэгістравана 11 чалавек. У класе матацыклаў 65 куб.см удзельнічаюць навучэнцы Ашмянскага філіяла СДзЮСТШ Мацвей Петрусевіч і Цімур Федаровіч, у класе матацыклаў 125 куб.см – Ягор Каляга, клас «Нацыянал» прадстаўляе Максім Гелаш, клас “Хобі” – Іван Місюкевіч і Яўген Шукелойць, а клас «Ветэран» — Аляксандр Аўсюкевіч.
Фінальныя заезды адбудуцца ў нядзелю.