Дзень Незалежнасці Рэспулікі Беларусь Ашмяншчына сустрэла святочна і прыгожа. Урачыстыя акорды мерапрыемства яшчэ раз нагадалі прысутным, што Дзень Рэспублікі – гэта не проста свята, а дзень нашага адзінства, які нагадвае нам, што толькі разам мы можам мацаваць краіну і сваю маленькую радзіму, паляпшаць яе дабрабыт.
У гэты дзень мы адчуваем смутак і радасць адначасова. Смуткуем аб тых, хто цаной жыцця заваяваў для нас перамогу, радуемся таму, што жывём у спакойнай і мірнай краіне, працягваем будаваць квітнеючую і магутную дзяржаву, ствараем канкурэнтаздольную эканоміку.
Асноўныя мерапрыемствы адбыліся ў гарадскім парку. У адзінаццаць гадзін там было ўжо шматлюдна. Павіншавалі і прывіталі прысутных на свяце старшыня Ашмянскага раённага Савета дэпутатаў М.У. Квяткевіч і старшыня Ашмянскага райвыканкама Ю.У. Адамчык. Кароткія словы прамовы, кветкі да помніка загінуўшым вызваліцелям, хвіліна маўчання…
На свяце прысутнічалі і ветэраны Вялікай Айчыннай вайны, якія з хваляваннем і радасцю ўспрымаюць свята дня вызвалення Беларусі ад нямецка-фашысцкіх захопнікаў. Мы дагэтуль здзіўляемся іх энергіі і жаданню расказаць пра ўсё, што прыйшлося перажыць ім. Таму і віншаванне, і пажаданне было адзіным: “Няхай усе радуюцца жыццю!”
Прадоўжылася свята ўрачыстым ушанаваннем перадавікоў вытворчасці, сельскай гаспадаркі, культуры, спорту. Штогод на свяце ўшаноўваюцца людзі, якія сваёй працай у галінах народнай гаспадаркі раёна ўмацоўваюць дабрабыт нашай Айчыны. Сёлета іх было звыш сарака чалавек.
Віншаванне лепшых працаўнікоў перамяжалася нумарамі мастацкіх калектываў. Канцэртная праграма доўжылася да самага вечара. У гэты час, нягледзячы на спякотнае надвор’е, людзі не спяшаліся разыходзіцца. Яны атрымлівалі асалоду ад таленавітых выканаўцаў і частаваліся прысмакамі, якія прапаноўвалі нашы прадпрыемствы, гандлёвыя кропкі, з ціквасцю аглядалі імправізаваныя падворкі, якія прывезлі на свята сельгаскааператывы.
Аматары спорту сустрэліся на стадыёне аграрна-эканамічнага каледжа. У гэты дзень адбыўся футбольны матч паміж камандамі ашмянцаў і літоўскіх сяброў-футбалістаў з г. Вільнюса. Гаспадары на сваім полі завяршылі гульню з перамогай 5:4.
Ну, а вечарам канцэрт народнага ансамбля песні і танца “Імпульс” ператварыўся ў акцыю “Спяём гімн разам”, дзе нашы галасы далучыліся да хору ўсёй краіны.
Ганна Давідовіч.
Фота Святланы Муцянскай.
«нагадалі прысутным, што Дзень Рэспублікі – гэта не проста свята, а дзень нашага адзінства, які нагадвае нам, што толькі разам мы можам мацаваць краіну і сваю маленькую радзіму, паляпшаць яе дабрабыт».
Прадоўжылася свята ўрачыстым ушанаваннем перадавікоў вытворчасці, сельскай гаспадаркі, культуры, спорту. Штогод на свяце ўшаноўваюцца людзі, якія сваёй працай у галінах народнай гаспадаркі раёна ўмацоўваюць дабрабыт нашай Айчыны. Сёлета іх было звыш сарака чалавек.
Віншаванне лепшых працаўнікоў перамяжалася нумарамі мастацкіх калектываў. Канцэртная праграма доўжылася да самага вечара. У гэты час, нягледзячы на спякотнае надвор’е, людзі не спяшаліся разыходзіцца. Яны атрымлівалі асалоду ад таленавітых выканаўцаў і частаваліся прысмакамі, якія прапаноўвалі нашы прадпрыемствы, гандлёвыя кропкі, з ціквасцю аглядалі імправізаваныя падворкі, якія прывезлі на свята сельгаскааператывы.
вам самим не смешно от того, как вы пишете? В стиле застойных лет. Молодежь на простое перечисление событий не ведется.