Першага чэрвеня пачаліся доўгачаканыя летнія канікулы. Звычайна ў гэты дзень малечы збіраліся ў гарадскім парку, дзе праходзіла раённае свята, прымеркаванае да Міжнароднага дня дзіцяці.
Сёлета па зразумелых прычынах ад добрай традыцыі вырашылі адступіць. Аднак абысці ўвагай такі дзень работнікі раённага цэнтра культуры палічылі няправільным. Роставыя лялькі выйшлі на галоўную вуліцу горада, каб павіншаваць юнакоў і дзяўчат. Яркая фотазона прыцягвала юных ашмянцаў, вясёлая віктарына і добразычлівасць стваралі добры настрой.
Людміла ВЕРАС.
Фота Святланы МУЦЯНСКОЙ.