Яркае, самабытнае і непаўторна-прыгожае свята адбылося на беразе возера фермерскай гаспадаркі “Іванава”, зладжанае сельскім клубам аграгарадка Баруны, Ашмянскім раённым цэнтрам культуры Ашмянскага райвыканкама і фермерам Іванам Кунюта. Сотні гледачоў і самі арганізатары мерапрыемства атрымалі незабыўныя ўражанні к гэтую летнюю ноч. У сёмы раз, свята сабрала мноства народу з розных вугалкоў Ашмяншчыны і суседніх раёнаў.
Купалінка з Купалам паступова акунулі прысутных у мір казачных персанажаў. Вадзяны, які прыплыў на лодцы з дзвумя Русалкамі, не захацеў перашкоджваць людзям весяліцца і папрасіў дзяўчатак, якія сабраліся пускаць на ваду вяночкі пагуляць з ім у гульню.
Слова “Купалле”, зробленае з драўляных брускоў, сабрало вакол сябе вялізарны карагод з гледачоў, і, неўзабаве, разгарэлася “галоўнае “ вогнішча свята!
Лясун, Вядзьмарка, Баба Яга, Чорт, Ваўкалакі многія іншыя героі запэўнілі ўсіх, што будуць дапамагаць моладзі ў пошуках папараць-кветкі. Незабыўна прыгожыя песні гучалі у выкананні народнага ансамбля “Жытніца” і сямейнага цыганскага ансамбля “Джана Рома”.
У поўнач, неба над прыгожым возерам асвяцілі святочныя феервекі, які спрэзэнтаваў мясцовы прадпрымальнік Аляксей Дарняк. Скончылася свята пад танцавальныя рытмы дыскатэкі.