Дзень ведаў у Гальшанскай сярэдняй школе

 

На Ашмяншчыне за парты селі 3778 вучняў, 390 з іх — першакласнікі. Упершыню парог школы пераступіў 21 вучань Гальшанскай сярэдняй школы.

У Дзень ведаў дзяцей, іх бацькоў і настаўнікаў віталі дырэктар школы Марына Гайдукевіч, старшыня сельвыканкама Аляксандр Саванец, намеснік дырэктара КСУП «Гальшаны» Міхаіл Скаржынскі, дырэктар Гальшанскага крухмальнага завода Сяргей Чудзілоўскі, настаяцель Свята-Георгіеўскай царквы ў Гальшанах айцец Уладзімір Семяняка, старшы дзяржаўны інспектар АДАІ Ашмянскага РАУС Аляксандр Каморнік.

Першы вераснёўскі дзень усім прысутным падарыў асалоду ад сустрэчы. У Год народнага адзінства з асаблівай узнёсласцю і сімвалічнасцю гучаў Дзяржаўны гімн Рэспублікі Беларусь, пад гукі якога лепшыя вучні школы — Аляксандр Мальдзіс і Дар’я Ганусевіч — узнялі Дзяржаўны сцяг Рэспублікі Беларусь.

Шмат цёплых слоў і віншаванняў прымалі ў гэты дзень першакласнікі, а таксама выпускнікі школы. Малечы, якія толькі ўступаюць у краіну ведаў, атрымалі ў падарунак ад Прэзідэнта кнігу «Беларусь — наша Радзіма».

Падзяку за дапамогу у падрыхтоўцы навучальнай установы выказала дырэктар школы Марына Гайдукевіч калектыву, бацькам, а таксама спонсарам — КСУП «Гальшаны» і Гальшанскаму крухмальнаму заводу.

Традыцыйны першы школьны званок даў старт новаму навучальнаму году. Адразу пасля яго вучні разышліся па класах, дзе прайшоў першы ўрок на тэму «Адзінства беларускага народа — аснова незалежнай краіны».

(Падрабязна чытайце ў бліжэйшым нумары газеты).

Людміла РЫБІК.

Фота Святланы МУЦЯНСКАЙ.

Оперативные и актуальные новости г. Ошмяны и Ошмянского района в нашем Telegram-канале. Подписывайтесь по ссылке https://t.me/osh_by
0
Авторизация
*
*
Регистрация
*
*
Генерация пароля