На Ашмяншчыне працягваюць уручаць юбілейныя медалі “75 гадоў вызвалення Беларусі ад нямецка-фашысцкіх захопнікаў”.

Сёння ваенны камісар Ашмянскага ваенкамата Ігар Місюкевіч, старшыня райсавета ветэранаў Уладзімір Бельчанка, галоўны бухгалтар райкама прафсаюзаў аграпрамысловага комплекса Аксана Людкевіч і кіраўнік спраў Гальшанскага сельвыканкама Жанна Садоўская ўручылі юбілейныя ўзнагароды і падарункі ветэрану Вялікай Айчыннай вайны Эдуарду Антонавічу Сарока і вязню канцэнтрацыйнага лагера Марыі Ягораўне Селядцовай.

Эдуард Сарока пайшоў на фронт добраахвотнікам восенню 1944 года. Быў наводчыкам 152-й гаўбічнай батарыі рэзервовага палка. З баявымі таварышамі радавы мужна змагаўся на тэрыторыі Польшчы. Да Перамогі салдату давялося ісці нялёгкімі ваеннымі дарогамі. Пасля заканчэння вайны яшчэ шэсць гадоў  радавы Сарока служыў у арміі. Аб мужнасці і стойкасці ветэрана вайны кажуць і яго баявыя ўзнагароды — ордэн Айчыннай вайны ІІ ступені, медаль «За перамогу над Германіяй 1941-1945 гг.», «Медаль Жукава», а таксама юбілейныя медалі.

Жудасныя падзеі ваеннага ліхалецця ўрэзаліся і ў памяць тады маленькай чатырохгадовай Марыі Селядцовай, якая страціла два гады жыцця ў германскім канцэнтрацыйным лагеры. Пры вяртанні дамоў яе, як і іншых дзяцей вайны, чакалі цяжкія выпрабаванні ─ голад, разруха і хваробы…

Разам са старшынёй Жупранскага выканкама Андрэем Клышэўскім удзельнікі дэлегацыі накіраваліся ў Жупраны, каб уручыць юбілейную ўзнагароду ўдзельніку Вялікай Айчыннай вайны Уладзіміру Уладзіміравічу Лашкевічу. З 1944 года мужчына прымаў удзел у складзе спецыяльных фарміраванняў у размініраванні тэрыторый і аб’ектаў.  У арсенале ветэрана вайны  — медаль «За перамогу над Германіяй» і шматлікія юбілейныя ўзнагароды.

Да віншаванняў удзельніка вайны Браніслава Іванавіча Шагідзевіча далучылася першы сакратар райкама ГА “БРСМ” Вольга Шыдлоўская.

Да віншаванняў удзельніка вайны Браніслава Іванавіча Шагідзевіча і вязня канцэнтрацыйнага лагеру Міхаіла Ханені далучылася першы сакратар райкама ГА “БРСМ” Вольга Шыдлоўская. Госці павіншавалі іх з надыходзячым святам, а таксама ўручылі медалі і падарункі.

Кацярына РУДЗІК.

0
Стоит почитать:

Добавить комментарий

Авторизация
*
*
Регистрация
*
*
Номер телефона без знака «+», например «79876543210». На указанный номер будет выслан код подтверждения.

*

Генерация пароля