Абласная патрыятычная акцыя “Кветка Перамогі ў кожным акне” крочыць па Ашмянскім раёне. Да яе далучыліся ўстановы адукацыі і культуры, прамысловыя прадпрыемствы і арганізацыі Ашмяншчыны.
Дачыненне да свята Вялікай Перамогі адчулі і выхаванцы дзіцячага садка № 3. Разам з выхавацелямі яны ўпрыгожылі вокны сваёй дашкольнай установы малюнкамі і яблыневым цветам – традыцыйнай выявай сімвала свята ў нашай краіне.
Да патрыятычнай акцыі далучыліся калектывы ААТ “Будаўнік” і цэнтра банкаўскіх паслуг № 429 у Ашмянах ААТ “Белаграпрамбанк”, аздобіўшы ўваходныя зоны сваіх адміністрацыйных будынкаў.
Святочным настроем “сустракаюць” наведвальнікаў вокны Гродзінскага сельвыканкама. Даніну павагі воінам-вызваліцелям, якія падарылі нам мір і свабоду, аддала размешчаная па суседству сельская бібліятэка.
Прымеркаваную да Года міру і стваральнай працы ініцыятыву падтрымаў калектыў Ашмянскага сыраробнага завода – філіяла ААТ “Лідскі малочна-кансервавы камбінат”, засведчыўшы важнасць Дня Вялікай Перамогі для кожнага работніка прадпрыемства.
Аліна САНЮК.
Фота аўтара і з сайтаў арганізацый.