Раённая цэнтралізаваная бібліятэчная сістэма па выніках працы за мінулы год заняла першае месца ў вобласці. Такі рэзультат – сведчанне зладжанай работы 23 бібліятэк, якія ўваходзяць у бібліятэчную структуру.
Усе даведзеныя бібліятэкам планавыя паказчыкі перавыкананы. Агульная колькасць карыстальнікаў склала звыш 22 тысячы. За год чытачам выдадзена каля 415 тысяч экзэмпляраў разнастайнай літаратуры і перыядычных выданняў. Немалаважны паказчык – выкананне платных паслуг. Карыстанне камерцыйным фондам, ксеракапіраванне, работа на камп’ютары, набор тэксту, карыстанне прававой базай дадзеных, пошук матэрыялаў у інтэрнэце – усе гэтыя паслугі прынеслі бібліятэчнай сістэме звыш 23 мільёнаў рублёў. На высокім узроўні ў бібліятэках раёна знаходзіцца культурна-масавай работа. Разнапланавыя мерапрыемствы, акцыі, работа клубаў і гурткоў, шырокая выдавецкая дзейнасць садзейнічаюць павелічэнню колькасці карыстальнікаў бібліятэк раёна.
Першае месца бібліятэчнай сістэмы раёна складаецца з работы ўсіх бібліятэк. Найбольш актыўна і творча працуюць раённая цэнтральная бібліятэка, раённая дзіцячая бібліятэка , гарадская бібліятэка №1, Жупранская, Будзёнаўская, Гальшанская сельскія бібліятэкі, а таксама Кальчунская бібліятэка-цэнтр.
Аліна САНЮК.