Нядаўна навучэнцы аграрна-тэхнічнага каледжа Сяргей Федаровіч і Дзмітрый Андрыеўскі вярнуліся з рэспубліканскага конкурсу мастацка-публіцыстычных праграм “Праф-бум”, які праводзіцца сярод устаноў, што забяспечваюць атрыманне прафесійна-тэхнічнай адукацыі. Рэзультат выступлення ашмянскіх хлопцаў – другое месца ў намінацыі “Гімн прафесіі”.
Фінальнаму мерапрыемству папярэднічаў абласны этап конкурсу. У Гродне навучэнцы нашага каледжа выканалі “Гімн хлебаробу” і сталі пераможцамі, а затым з гонарам накіраваліся ў сталіцу. Сярод вялікай колькасці прэтэндэнтаў на прызавыя месцы яны не разгубіліся і велічная песня паланіла журы сваёй шчырасцю і высокім узроўнем выканання.
Актыўны ўдзел у конкурсе прынялі педагогі. Словы гімна напісаў выхавацель інтэрната каледжа Яўген Куст, музыку – кіраўнік эстраднай студыі “Капель” і харавога гуртка Алена Лаздзін. Да песні было падрыхтавана мультымедыйнае суправаджэнне. Сумесная творчасць прынесла цудоўны плён. “Гімн хлебаробу” стаў не толькі ўслаўленнем самай высакароднай у свеце прафесіі, але і візітнай карткай Ашмянскага аграрна-тэхнічнага каледжа.
Аліна БЕЛІЦКАЯ.
На здымку: Дзмітрый Андрыеўскі, Алена Лаздзін, Яўген Куст і Сяргей Федаровіч.
Фота аўтара.
Поправте информацию о фото: последний — Сергей, а не Валерий.
Молодцы!!!
Замечательная песня и клип тоже