Ядвига Иосифовна Чаплинская родилась в деревне Подгаи Гравжишковского сельского Совета. Училась в Больших Войшнаришках, затем — в Гольшанской средней школе. Свою жизнь решила связать с педагогикой. После окончания факультета филологии Гродненского пединститута почти все время работала в Войшнаришской базовой школе. Здесь она вышла замуж, родила и воспитала с мужем двух дочерей. Здесь она живет и сейчас. Увлекается рукоделием, находит радость в общении со своими родными и друзьями. Ее поэтические строки о красоте белорусской земли, человеческой доброте и душевности, родных корнях, которые дают ей сил жить в гармонии и радости.
Творчество
МАМЕ
Дзякуй табе, мама,
Дзякуй табе, міла,
Што ў час найлепшы
Мяне нарадзіла.
Мяне гадавала –
Ночак недаспала:
У ліпавай калысцы
Дзіця калыхала.
Як я падрастала,
То ўсё паглядала,
Як ты ў хаце, у полі
Штодзень працавала.
Як ты прала, ткала,
Шыла, вышывала.
Для чужых, знаёмых
Тарты выпякала.
Кніжкі мне чытала,
Дабру навучала,
Лісты да суседзяў
У Польшчу ты пісала.
У лузе сенавала,
У полі жыта жала,
Потым на палетку
Спелы лён ірвала.
Улетку працы многа
У агародзе, у полі –
Рукі ж твае стомы
Не зналі ніколі.
Хораша ў хаце,
Як настане свята:
Усяго нагатуеш –
Стол такі багаты.
Хата на пагорку,
Ва ўсе вокны сонца –
Там маё маленства
Праляцела звонка.
Вакол нашай хаткі
Малады садочак,
Там для адпачынку
Цудоўны куточак.
Гудуць у вуллях пчолкі,
Як сонца засвеціць…
Лепшае мясцінкі
Не знайшла я ў свеце.
Гады праляцелі,
Нібы тыя птушкі.
Дзяцінства не вернеш,
За грошы не купіш.
Мама старой стала,
І няма ўжо хаты,
Толькі ўспаміны
Даюць сэрцу свята.
АШМЯНШЧЫНА МАЯ
Ашмяншчына мая, куточак родны,
Такі прыветны і лагодны.
Ты ў майскай квецені прыгожы,
А ў час жніва пах яблыкаў і збожжа
Мяне з усіх дарог сюды пакліча,
Бо тут усё знаёма і прывычна:
Узгорак кожны, кожная сцяжынка,
Дзе я калісьці бегала дзяўчынкай…
Да вас на ўсё жыццё я прыкіпела,
Ад вас нікуды з’ехаць не пасмела.
Мяне так вабіць гэта поле камяніста,
На золку будзіць сенажаць расіста,
Духмяным водарам закружыць галаву –
Сярод красы спрадвечнай я жыву.
На лузе – травы, кветкі – на узмежку,
А ў роднай хаце – маміна ўсмешка.
Мой самы светлы сон заўжды люляе,
Шчаслівы той, што іх не забывае.
Буслянка на ліпе, чаромха каля ганку,
Спеў жаўрука залівісты на ранку –
Вось тое, што душы маёй так міла,
Без гэтага мне жыць не хопіць сілы.
***
Калі я ў Ашмяны прыязджаю,
Тут шмат прыемных зменаў заўважаю:
Як горад наш расце і прыгажэе –
Здаецца, кожна вуліца шырэе.
Навокал многа кветак, зеляніны –
Прыбраўся горад, як на імяніны:
Адноўлены будынкі, вокны ззяюць,
Гасцінна дзверы крамы расчыняюць.
Заходзь смялей і выбірай, што знаеш,
Што трэба – купіш, нешта запытаеш.
Усюды чысціня на новым тратуары,
І я іду з усмешкаю на твары.
Сяброў тут сустракаю і знаёмых –
Так добра на душы, нібы я дома.
Квітней, наш горад, і жыві ў стагоддзях,
Заўсёды дбай ты аб сваім народзе,
Каб добра тут жылося чалавеку,
Каб кожны працай славіўся ад веку.
ЗНОЎ У ШКОЛУ
Зноў верасень ступае на парог,
Ён, як заўжды, святочны і вясёлы,
І тысячы сцяжынак і дарог
Вядуць у гэты дзень дзяцей да школы.
А школа, поўная чысцейшага святла,
Уся ў перадсвяточным задуменні,
Чакае сваіх школьнікаў яна
І ў вокнах бліскаюць зіхоткія праменні.
Хутчэй заходзьце, юныя сябры,
І напаўняйце класы смехам, гаманою,
Няхай тут будзе добра дзетвары.
У паход за ведамі! Дружней! За мною!
Какие красивые стихи!!!