Па традыцыі ў Вялікую суботу адбываецца благаслаўленне страў на велікодны стол. Гэтаму звычаю вернікі надаюць важнае значэнне. У нашым раёне асвячэнне страў адбываецца не толькі ў касцёлах і капліцах, але і пры вясковых крыжах. Жыхары Доргішак падрыхтавалі кошыкі з каляровымі яйкамі, каўбасой, вяндлінай, соллю і вадой. Заўтра пасля ўрачыстай святой імшы – рэзурэкцыі – асвечаныя стравы яны будуць спажываць у сямейным коле.