17 лістапада Гродзенскі абласны драматычны тэатр прымаў удзельнікаў ХІХ рэгіянальнага фестывалю «Артыстычныя сустрэчы «Гродна-Беласток». У абласны цэнтр у той дзень з’ехалася звыш20 вакальных калектываў з Гродзенскай вобласці і з суседняй Польшчы.
Конкурсны адбор са сваімі мастацкімі нумарамі прайшоў вакальны ансамбль «Гальшанскія музыкі» настаўнікаў Гальшанскай дзіцячай школы мастацтваў. На суд журы былі прадстаўлены 2 польскія народныя песні.
Дарэчы, адметны гэты рэгіянальны фестываль быў тым, што беларускія артысты выконвалі свае мастацкія нумары на польскай мове, а палякі – на беларускай. Салісткам вакальнага ансамбля «Гальшанскія музыкі» Ганне Каспяровіч і Святлане Шыдлоўскай дапамагалі музыканты: інструментальная група ў складзе мастацкага кіраўніка Наталлі Трот, Ларысы Касцючэнка і Настассі Калядка.
Па выніках фестывалю вакальны ансамбль «Гальшанскія музыкі» ў намінацыі «Ансамблі народнай песні» ўзнагароджаны дыпломам.
Алена ШЫДЛОЎСКАЯ.