Святочны канцэрт, прысвечаны Дню Незалежнасці нашай краіны, сабраў сёння жыхароў аграгарадка Станцыя Ашмяны ў сельскім клубе.
Вяскоўцы па традыцыі шчыра віталі мясцовых артыстаў, станаўленню якіх на сцэне дапамагае загадчыца ўстановы культуры Таццяна Лапата. У выкананні творчых калектываў клуба прагучалі песні пра радзіму, цяжкі і трагічны шлях Беларусі ў гады Вялікай Айчыннай вайны.
Дзяўчынкі вакальнай групы “Карагод” парадавалі прысутных знаёмымі мелодыямі пра шчаслівае дзяцінства і сонейка над галавой, а таксама прызнаннем у любові сваім матулям.
Няма большага шчасця, як незалежасць роднай краіны. І фінальная песня Эдуарда Ханка “Малітва аб Беларусі” ў выкананні жаночай вакальнай групы “Рябинушка” таму пацвярджэнне.