“Свята” – гэта першы ў Беларусі прафесійны фальклорны ансамбль, пачынальнік народнай музычнай спадчыны краіны. Створаны пры Беларускай дзяржаўнай філармоніі, калектыў з поспехам гастралюе не толькі па гарадах і вёсках Беларусі, але і за мяжой.
Канцэртная праграма ансамбля, пабудаваная на музычным фальклоры беларускага Палесся, прыйшлася даспадобы і ашмянцам. Найгрышы і песні, яркія харэаграфічныя нумары былі блізкія і зразумелыя рознай узроставай катэгорыі гледачоў. Прыемным сюрпрызам для мясцовага кампазітара Мікалая Розенберга і для ўсіх ашмянцаў стала выкананне ансамблем песні “Мяцеліца”, напісанай на музыку Мікалая Рыгоравіча.
Аліна САНЮК
Фота Святланы МУЦЯНСКАЙ.