Паважаныя жыхары Ашмяншчыны!
Дарагія ветэраны Вялікай Айчыннай вайны!
Шчыра і сардэчна віншуем вас з нацыянальным святам – Днём Незалежнасці Рэспублікі Беларусь!
Дзень Незалежнасці – гэта сімвал свабоды і адзінства беларускага народа, стабільнасці нашага грамадства, пераемнасці пакаленняў. Суверэнітэт – вялікая каштоўнасць, якая належыць не толькі сучасным, але і будучым пакаленням. Па волі беларускага народа Дзень Рэспублікі адзначаецца ў дзень вялікай даты вызвалення Беларусі ад нямецка-фашысцкіх захопнікаў, што надае асабліва сімвалічны характар адной з галоўных падзей у нашай гісторыі.
Нізкі паклон і ўдзячнасць вам, ветэраны Вялікай Айчыннай вайны, удзельнікі вызвалення Беларусі. Гэта вы, цаною свайго жыцця, перамаглі ворага, адстаялі свабоду і незалежнасць нашай Радзімы.
Дзякуй усім жыхарам Ашмяншчыны, каму выпала аднаўляць разбураную вайной гаспадарку. Гэта наша вялікая гісторыя, з якой мы чэрпаем мудрасць і сілы. Разам мы зробім усё, каб незалежная Беларусь і ў далейшым была нашым дастойным і надзейным домам. Мы будзем свята шанаваць мінулае, будаваць сённяшняе і шчыра дбаць пра заўтрашняе.
Жадаем усім моцнага здароўя, шчасця, ладу і дабрабыту ў кожнай сям’і, у кожным доме.
Са святам, з Днём Незалежнасці Рэспублікі Беларусь!
Раённы выканаўчы камітэт.
Раённы Савет дэпутатаў.