Праграма ІІ фестывалю-кірмашу «Смаргонскія абаранкі»

25 мая 2019 года ў Смаргоні адбудзецца ІІ фестываль-кірмаш “Смаргонскія абаранкі”.  Упершыню госці свята атрымаюць магчымасць паназіраць і прыняць удзел у выпяканні сапраўдных смаргонскіх абаранкаў. А таксама можна будзе без абмежаванняў спяваць танцаваць, каштаваць нацыянальныя стравы і ўдзельнічаць у майстар-класах майстроў народнай творчасці.

Асноўная мэта фестываля – адраджэнне народных традыцый і прэзентацыя Смаргоні як сучаснага горада, які дынамічна развіваецца, але адначасова ў ім паважаюць і захоўваюць нацыянальную гісторыю.

Сёлета на тэрыторыі гарадскога парку размесціцца цэлы Абаранкавы горад, на вулачках якіх кожны зможа знайсці забаву да густу.

Безумоўна, Смаргонь – радзіма абаранкаў. Але сёння такую прадукцыю выпускаюць і іншыя прадпрыемствы харчовай прамысловасці. Многія з іх, дарэчы, не толькі беларускія, але і замежныя, прадставяць свае абаранкі на фестывалі. Усе жадаючыя змогуць паспытаць іх і выбраць лепшыя.

На вуліцы Абаранкавага горада Вучонай збяруцца дзеці. Для іх будуць працаваць атракцыёны, гульнёва-забаўляльныя праграмы, канцэрты, прэзентацыі стартап-праектаў і школьных бізнес-кампаній.

У адкрыцці фестываля, якое адбудзецца ў 11.00 на плошчы Спеўнай, прыме ўдзел  беларускі дзяржаўны заслужаны харэаграфічны ансамбль “Харошкі”. Канцэртную праграму працягнуць творчыя калектывы Смаргонскага, Ашмянскага і Астравецкага раёнаў, а таксама фольк-гурт “Лялькі-карпарэйшн”.

Цікавай абяцае быць праграма на вуліцы Мядзвежай. Там збяруцца майстры народнай творчасці. Можна будзе не толькі купіць іх вырабы, але і паспрабаваць сябе ў саломапляценні, вышыўцы, ганчарстве, і іншых відах рамёстваў.

Якое ж свята без пачастунку! Для гасцей на вуліцы Смачнай будуць працаваць гандлёвыя кропкі са стравамі беларускай кухні.

Калі вы хочаце акунуцца ў непаўторную атмасферу Смаргоні кірмашовай, запрашаем на фестываль “Смаргонскія абаранкі”. Кантактны тэлефон – 801592 37635 (Таццяна Мар’янаўна Ражава, начальнік аддзела культуры Смаргонскага райвыканкама).

Картинки по запросу Смаргонскія абаранкі

  

ПРАГРАМА ІІ ФЕСТЫВАЛЮ-КІРМАШУ “СМАРГОНСКІЯ АБАРАНКІ”

25 мая 2019 года

11.00 — 12.20 — урачыстае адкрыццё фестывалю-кірмашу “Смаргонскія абаранкі”. Канцэрт беларускага дзяржаўнага заслужанага харэаграфічнага ансамбля “Харошкі”.

Стадыён.

10.00 — 20.00 — выстава-продаж прадпрыемстваў хлебабулачнай галіны, праца вуліцы “Абаранкавай”.

12.00 — 14.00 — конкурс-дэгустацыя абараначных вырабаў.

10.00 — 17.30 — канцэртная пляцоўка “Вянок сяброў”.

Вуліца Балыша.

10.00 — 20.00 — выстава-продаж майстроў народнай творчасці, майстар-класы па традыцыйнай народнай творчасці.

Гарадскі парк, вуліца “Мядзведжая”.

10.00 — 17.30 — праца вуліцы “Вучонай”. Гульні, забавы, канцэртна-гульнёвая пляцоўка, выступленні дзіцячых калектываў Смаргонскага раёна, дзіцячыя атракцыёны, аквагрым, прэзентацыі школьных бізнес-кампаній і стартап-праектаў.

Гарадскі парк, вуліца “Вучоная”.

10.00 — 17.30 — праца вуліцы “Арцельнай”, стылізаваных арцеляў па вырабу абаранак. Гульнёвыя і тэатралізаваныя дзеі, выступленні самадзейных калектываў Смаргонскага раёна, майстар-класы па вырабу абаранак, дэгустацыя хлеба.

Гарадскі парк, вуліца “Арцельная”.

10.00 — 17.30 — праца завулка “Вясёлага”. Выступленні тэатраў мініяцюр, жарты, забавы, гульні.

Гарадскі парк, завулак “Вясёлы”.

10.00 — 20.00 — праца вуліцы “Смачнай”, вулічных кафэ, продаж страў беларускай кухні.

Гарадскі парк, вуліца “Смачная”.

12.30 — 17.00 — спартыўныя гульні і забавы, спаборніцтвы “Смаргонскі асілак”, кідкі гір на дальнасць, “фермерскі шпацыр”, спаборніцтвы “Моц і прыгажосць”.

Стадыён.

14.00 — 18.00 — канцэртная пляцоўка “Плошча Спеўная”. Выступленні самадзейных творчых калектываў Смаргонскага, Ашмянскага і Астравецкага раёнаў, канцэрт фольк-гурта “Лялькі-карпарэйшн”.

Гарадскі парк, амфітэатр.

18.00 — 18.40 — падвядзенне вынікаў фестывалю-кірмашу.

18.40 — 20.30 — канцэрт поп-фольк-гурта “Лялькі-карпарэйшн”.

Амфітэатр.

 

 

0
Стоит почитать:

Добавить комментарий

Авторизация
*
*
Регистрация
*
*
Номер телефона без знака «+», например «79876543210». На указанный номер будет выслан код подтверждения.

*

Генерация пароля