Кожны год напярэдадні рэспубліканскага суботніка калектыў рэдакцыі раённай газеты прымае ўдзел ў добраўпарадкаванні тэрыторыі ля помніка загінуўшым у гады Вялікай Айчыннай вайны ў вёсцы Клявіца Граўжышкоўскага сельскага Савета.
Падтрымліваць у належным стане помнік таксама дапамагаюць ваеннаслужачыя пагранічнага паста, сельскі Савет і ААТ “Будаўнік”. У мінулым годзе яны набылі фарбу і “абнавілі” агароджу вакол помніка.
Сёлета карэспандэнты разам з пагранічнікамі прыбралі леташняе лісце і абламаныя галінкі пасля зімы. Стараннай працы калектываў спрыяла добрае надвор’е, якое дазволіла выканаць усё запланавае і зберагчы памяць аб героях вайны.
Кацярына РУДЗІК.
Фота Аліны САНЮК.