Выпускны баль прайшоў у Ашмянах

События

Усімі колерамі вясёлкі зайграла сёння цэнтральная плошча ў Ашмянах – тут сабраліся шчаслівыя і крыху разгубленыя выпускнікі школ раёна, іх бацькі, настаўнікі. Першы ў сваім жыцці выпускны баль адзначылі 170 юнакоў і дзяўчат.

IMG_9783

IMG_9737

IMG_9743

IMG_9760

 

IMG_9979

Колішніх няўрымслівых першакласнікаў не пазнаць, за адзінаццаць гадоў яны паспелі праявіць сябе ў вучобе і спорце, музыцы і грамадскай дзейнасці. Іх поспехі знайшлі адлюстраванне не толькі ў атэстатах сталасці, якія сёння ўручылі выпускнікам, але і ў шматлікіх граматах, узнагародах, падзяках. Сёлета з залатым медалём скончыў школу дваццаць адзін выпускнік. Вышэйшую ўзнагароду — медаль і прэмію — юнакам і дзяўчатам уручылі старшыня райвыканкама Міраслаў Сарасек і начальнік упраўлення адукацыі Святлана Баркоўская.

IMG_0062

IMG_9876

Лепшыя выпускнікі, а таксама вучні школ раёна атрымалі традыцыйную прэмію «Надзеі Ашмяншчыны». Сярод узнагароджаных — адзінаццацікласнікі Анастасія Саванец, Дзіяна Пялецкая, Уладзіслаў Андрыеўскі, Мікіта Зык, Максіміліян Барысевіч, Вікторыя Янушкевіч, Віялета Дзеніс.

IMG_9831

Прэмію Гродзенскага абласнога аддзялення Беларускага дзіцячага фонду ўручылі выпускніцы гімназіі Юліі Качарзе.

IMG_9954

Выдатныя поспехі ў вучобе і алімпіядным руху Максіміліяна Барысевіча, Мікіты Зыка (СШ №2), дзевяцікласніцы Алены Камінскай (гімназія) адзначаны прэміямі. Максіміліян Барысевіч, акрамя таго, атрымаў пасведчанне Спецыяльнага фонду Прэзідэнта Рэспублікі Беларусь па падтрымцы таленавітай моладзі.

IMG_9905

Шэраг узнагарод уручыла актывістам першы сакратар раённага камітэта грамадскага аб’яднання БРСМ Вольга Шыдлоўская. Дыплом і падарунак за актыўны ўдзел у рабоце школы маладога журналіста пры рэдакцыі газеты «Ашмянскі веснік» атрымала выпускніца СШ №1 Віялета Журко.

Павіншаваць юнакоў і дзяўчат з прыгожым святам прыйшлі таксама святары — настаяцель храма Уваскрасення Хрыстова, протаіерэй Пётр Пятлёха і ксёндз Ян Пузына, пробашч касцёла Святога Міхаіла Арханёла.

IMG_9933

IMG_9966

Шмат цёплых слоў прагучала ў адрас выпускнікоў ад бацькоў і настаўнікаў. Свае віншаванні і падзяку адрасавалі дырэктар Дакурнішскага вучэбна-педагагічнага комплексу Людміла Кардзіс, тата выпускніка СШ №2 Сяргей Зык.

IMG_0009

Свята развітання са школай расквецілі ўсмешкамі, песнямі і, канешне ж, школьным вальсам самі віноўнікі ўрачыстасці — прыгожыя, радасныя, таленавітыя, разумныя, мэтанакіраваныя выпускнікі. Музычныя падарункі адрасавалі таксама выхаванцы ясляў-сада №7, удзельнік фестывалю «Славянскі базар» у Віцебску Арцём Скароль.

IMG_9890

IMG_9833

IMG_9810

IMG_9804IMG_0108

IMG_0098

IMG_0032

IMG_0149

IMG_0172

IMG_0207

IMG_0235

IMG_0330

IMG_0382

IMG_0377

Старонка школьнага жыцця перагорнута. Наперадзе ў выпускнікоў новыя вышыні і здзяйсненні — яны адпраўляюцца ў самастойнае жыццё. Як сімвал-пачатак новага палёту бацькі выпускнікоў выпусцілі ў неба белых галубоў.

Людміла КОЗЕЛ.

Фота Святланы МУЦЯНСКАЙ.



2 комментария по теме “Выпускны баль прайшоў у Ашмянах

  1. Шикарно! А выпускники СШ № 2 вообще молодцы — так красиво станцевали!
    Всем успехов в ЦТ и поступлении в СУЗы и ВУЗы!

  2. Оформление сцены, постановка танца СШ2 просто шик, удачи, так держать!

Добавить комментарий

Ваш e-mail не будет опубликован. Обязательные поля помечены *