Падарункі хлебаробам
На мінулым тыдні з рабочым візітам на Ашмяншчыну завітаў старшыня рэспубліканскага камітэта Беларускага прафесійнага саюза работнікаў аховы здароўя Роберт Часнойць.
У цёплы жнівеньскі дзень у разгар працоўнага дня разам са старшынёй раённага камітэта прафсаюза работнікаў аграпрамысловага комплексу Раісай Турлай яны завіталі ў некаторыя гаспадаркі раёна. Часлаў Аляксандравіч падзякаваў хлебаробам КСУП “Кракоўка” і КСУП “Граўжышкі” за іх важную працу і ўручыў падарункі.
Ад прафсаюза работнікаў аховы здароўя падарункі – пледы, тэрмасы для ежы, электрачайнікі – атрымалі не толькі лепшыя камбайнерскія экіпажы і вадзіцелі, але і медыцынскія работнікі ў вёсцы і повары, якія гатуюць рупліўцам.
Роберт Часнойць шчыра пацікавіўся надзённымі праблемамі работнікаў Ашмяншчыны, падзяліўся багатым прафесійным вопытам і пажадаў поспехаў ва ўборачнай кампаніі, таму што на плячах хлебаробаў ляжыць адказная місія.
Кацярына РУДЗІК.
Фота Святланы МУЦЯНСКАЙ.