Традыцыйны штогадовы рэспубліканскі суботнік для актыўнай моладзі Ашмяншчыны пачаўся днём раней.
У мінулую пятніцу маладыя ашмянцы вырашылі паўдзельнічаць у акцыі “За чысціню гарадоў і вёсак”, арганізаваную ГА “БРСМ”.
Узбярэжная частка Ашмянкі ад Гальшанскага маста да ўрочышча Сухая і наваколле сажалкі № 4 ля вёскі Лэйлубка сёлета сталі месцамі высадкі працоўнага дэсанта. У яго складзе, дарэчы, змагаліся за чысціню навучэнцы абодвух гарадскіх сярэднеспецыяльных устаноў: аграрна-тэхнічнага і аграрна-эканамічнага каледжаў. Агулам лік добраахвотнікаў склаў каля двух дзясяткаў. Маладыя актывісты рвалі пустазелле, падбіралі галлё, пустыя пляшкі, цэлафанавыя пакеты…
За дзве гадзіны, з дзесяці да дванаццаці, “баявы” шлях быў пройдзены. Дзве гадзіны – зусім невялікі адрэзак часу. Але чым больш людзей штогод будуць далучацца да акцыі, тым больш чыстай стане наша Ашмяншчына, наша краіна, наша планета.
Дзмітрый РАДКЕВІЧ.
Фота Святланы МУЦЯНСКАЙ.