Старт месячніку па добраўпарадкаванні населеных пунктаў раёна быў дадзены ў мінулую суботу. Першымі на заклік аддзела жыллёва-камунальнай гаспадаркі адгукнуліся службы, што знаходзяцца ў непасрэдным дачыненні да таго, каб наш горад быў ў належным санітарным стане.
Работнікі раённага ўнітарнага прадпрыемства жыллёва-камунальнай гаспадаркі правялі суботнік на вуліцах райцэнтра: выграбалі лісты, падмяталі і прыбіралі смецце на тэрыторыі ўздоўж цэнтральнай вуліцы горада і ў месцах масавага адпачынку. Стараннай працы камунальнікаў спрыяла і добрае надвор’е, што дазволіла выканаць вялікі аб’ём работ.
З панядзелка пачалося добраўпарадкаванне ўрочышча Сухая. Усе арганізацыі раёна згодна з састаўленым графікам заняты на расчыстцы зарасніку ў зоне адпачынку. Гэтыя работы прадоўжацца і на наступным тыдні.
Аліна БЕЛІЦКАЯ.